Мин сиңа сыенам. Җылынам!…

Мин сиңа сыенам. Җылынам!
Тын алам җирдәге җәнәттә!!!
Күзләрең нурыдыр, һәр иртә
Таң булып сызыла шәфәкътә!

Син булып көн туа. Җил куа
Күңелем күгенең болытын.
Мин сине таптым да, җиһанда
Тау кадәр бәхеткә юлыктым!

Мин беләм! Мин тоям! Мин сизәм!
Бу халәт мәңгелек икәнен.
Яратып туелмас!.. Бу сөю
Тарсыныр бер гомер чикләрен!!!

Эльмира Җәлилова.

Комментарии:

Добавить комментарий

Войти с помощью: 

Ваш e-mail не будет опубликован.

Имя *
E-mail *
Сайт